отъ тѣхъ Грькъ, такоже да възвратиться въ свою страну, и отъдана будеть цѣна его, якоже речено есть, якоже есть купля 1) Егда же требуеть на воину ити? — Егда же потребу творите на воину ити, и си хотять почьстити 2) цѣсаря вашего, да аще въ кое время елико ихъ придеть, и хотять остатися у цѣсаря вашего своею волею, да будуть от Руси не възбранени s). О Руси о плѣненѣи. Мъногашьды отъ коея любо страны пришьдъшемъ Руси и продаемом въ хрьстияны, и еще же и отъ хрьстпянъ отъ плѣненыхъ, мъногашьды отъ коея любо страны приходящемъ въ Русь, си продаеми бывають по 20 злата, и да придуть въ Грькы 4). О томь, аще украденъ будеть челядинъ Русьскыи, или ускочить в), или по нужи проданъ будеть, и жаловати начьнуть Русь, да покажеться таковое о челядинѣ. и да поймуть и… аще ли къто искушения 6) сего не дасть сътворити мьстьнику, да погубить правьду свою. О работающихъ въ Грьцѣхъ Руси у хрьстияньскаго цѣсаря. Аще къто умьреть, не урядивъ 7) своего имѣния, ци и своихъ не имать, да възвратять имѣние къ малым ближикамъ 8) въ Русь 9). Аще ли сътворить обряжение таковыи, възьметь уряженое его; кому будете писалъ наслѣдити имѣние, да наслѣдить е10). О възимающихъ куплю Руси… О различьныхъ ходящихъ въ Грькы и удължающихъ… Аще зълодѣи възвратиться въ Русь, да жалують Русь хрьстияньскому цѣсарьству, и ятъ будеть таковыи, и възвращенъ будеть, не хотяи, въ Русь11). Си же вься да сътворять Русь Грькомъ, идеже аще ключиться таково. На утвьржение же и неподвижение быти межю вами, хрьстияны, ж Русию бывъшии миръ сътворихомъ Ивановъмь написаниемь на дъвою харатию; цѣсаря вашего и своею рукою, предълежащимь чьстьнымь крьстъмь и святою единосущьною Троицею, единого истиньнаго Бога вашего, извѣсти и дасть нашимъ съломъ. Мы же кляхомъся къ цѣсарю вашему, иже отъ Бога сущю, яко Божию Зьданию, но закону и по покону языка нашего, не преступити намъ, ни иному отъ страны нашея отъ уставленыхъ главъ мира и любъве. И таковое написание дахомъ цѣсарьства вашего на удьржание обоему пребывати таковому съвѣщанию, на утвьржение и на извѣщение межю вами бывающаго мира. Мѣсяца сентября въ 2 дьнь, идикта 15, в лѣто съзьдания миру 6420. (912). А. А Шахматов. „Повесть временныхъ Лѣтъ“. Т. I. Ст. 33-40. СПБ 1916 г. !) Військово полонені також повертаються в свою землю, а той, хто взяв його у полон, одержить звичайну ціну невільника. 2) Вшалувати.
- 1) Себ то, як що руські захотять служити візантійському імператорові, ніхто не може цьому перешкожати.
- ) Як що ж трапиться, що руські невільники із якоісь землі прийдуть до Греків, а грецькі до Руси, продають іх по 20 зол. і повертають до своєі землі.
4) Утече.
- ) „мѣстникъ“, туть господар.
7) Не вчинивши наказу. в) Родичам, які мали право по закону на спадщину по помершім. •) Коли людина помірала на чужині майно його доручалося його землякам, які повинні були передати його родичам помершого, повернувши в свою землю.
- • ) Зміст статті: обов'язок видавати злочинця, який утече у чужу землю.
м) Зміст статті: обов'язок видавати злочинця, який утече у чужу землю.
