С чужои торбы хлѣба не жалують.
Сыр тилько во̂дкладаный добрый.
Сытый голодному не вѣрить.
Сытый голодному не товаришь.
Сѣв каменем.
Сѣв як на леду.
Сѣє вѣтер, вѣтром жити буде.
Сѣльска собака най ся може дво̂рскім не мѣшає.
Сѣмь лѣт го не бачив єм, бодай єм го був нѣкды не бачив.
Сѣмь лѣт мак не родив, а голоду не вчинив.
Сѣмь лѣт хробак в хрѣнѣ зимовав, а смаку не зазнав.
Сѣмь миль пѣшки для однои кишки.
Сякій такій, абы був, абы хлѣба роздобув.
Сяк так, абы выжити.
Сяк так, абы не по людськи.
Така правда, як вошь кашле.
Так бы'сь чув звоны.
Так го люблять, як пси дѣда.
Так дбає, як пес о пяту ногу.
Так тепло, ажь пара кости ломить.
Такє цѣкаве, ажь бульки з носа лѣзуть.
Такій добрый, ино го до серця прикладай.
Такій жвавый, якбы з ока выпав.
Такій красный, якбы то з воску ульяв.
Такій спосо̂бный, як во̂л до кариты.
