Цю сторінку схвалено
— 123 —
- Меже двома горами, бьются бараны золотыми рогами.
- Мо̂й брат Кундрат, на горах, на водах, на желѣзѣ, на телѣзѣ, на рачачій нозѣ.
- Иде — дѣд бабу за руку веде.
- В лѣсѣ росло, листок ймѣло, теперь носить душу и тѣло.
- Чотыре братя стрѣляют до єдного пня, а не могут выстрѣлити.
- Є у нас бучок, а на бучку яворець, на яво̂рци конопка, на конопцѣ глинка, на глинцѣ млачка, а в нѣй хвостачка.
- Двайцять красных, тридцять сильных, пятьдесят мудрых, а сто дурных.
- Суть то росохи, на росохах кадобець, на кадовбци драбинка, на драбинцѣ го̂рка, а на го̂рцѣ жердьє; по ти̂м жердю дики пташки лѣтают, але крылець не мают.
- Стоит при дорозѣ, розложив обѣ нозѣ — прійшов хлоп, меже ноги льоп: Щастє дай Боже.