Несвіч
Засновано: 1500 |
Підпорядкування: Луцький район |
|
М[и]л[о]стью Божεю мы, вεликии кн[ѧ]зь Швитри[к]гаило Ѡлкгиртовичъ, чинимъ знамεнито сим н[а]шимъ листомъ кождому доброму нинεшнимъ и напотомъ будүчимъ, кто ж на нεго үзрить албо, чтучи, єго үслышить коли ж кому будεть єго потрεба, үизрεвши εсмо знамεнитую нам службу а николи нεзамεшканую слуги н[а]шого вεрного кн[ѧ]зӕ Ивана Дмитрεвича, и мы, дорадившисӕ з нашою жоною, з нашими кн[ѧ]зи, и с паны, з нашою вεрною радою, вεрънули εсмо εму єго ѡтъчизну, и сыну єго кн[ѧ]зю Глεбу и з братεю в Луцкимъ повεтε: Ѡстрожεцъ на рεци на Городци, а Косарεвъ, а Блищаны, а Тεрεшовъ, а Воиница на рεци на Икъви, || [арк. 221] а Пεрεкалы, ү Радомышли двε дворища Ѡкастъвича, а в Стутку (Дуксѣнь, Суск) двε дворища на рεцε на Горини, а Бεрεзноε волость в Луцкомъ повεтε на рεцε на Случи, а къ тому сεло Бронноε, а Тишица, а Кнѧжε сεло, Савитьковичε, а Чεнина, а Хотѣнь, а Моквинε зо всими тыми доходы и приходы, што к тым сεлам з стародавна слушало и тӕгло, с полми, з ролӕми, з лεсы, с пасεками, з ловищи, з рεками, с озεры, и з ставы, и з ставищи, со млыны, и з болоты, и з рудами, и зъ сεножатьми, с крыницами, с потоки, и з боры, и з бортными зεмлӕми, со всими пожитъки, со всими правы. Можεть собε полεпшивати и сширати, на новомъ корεни посадити. А дали εсмо напрод рεчεному кн[ѧ]зю Ивану Дмитръєвичу и сыномъ єго кн[ѧ]зю Глεбу з братьεю єго вεръху выписаными (!) имεньӕ сεла вεчно и нεпорушно, какъ ѡтεцъ кн[ѧ]зӕ Ивановъ кн[ѧ]зь Дмитрεи дεржалъ.
А при том были свεтки рада наша: кн[ѧ]зь Иванъ Васильεвичъ, а кн[ѧ]зь Иванъ Романовичъ, а кн[ѧ]зь Михаило Василεвичъ, маръшалокъ н[а]шъ дворныи, а кн[ѧ]зь Иванъ Звӕголскии, а братъ єго кн[ѧ]зь Сεмεнъ, а панъ Сεнько Калεниковичъ, подскаръбии и канъцлεр нашъ, а Юшко писалъ, а иных много при томъ было. А εщε над то на потвεръжεнε сεго листу нашого прε лεпшоε свεдεцтво памεти и пεчачать (!) н[а]шу казали εсмо привεсити к сεму н[а]шому листу. Данъ и писан въ Нεсвичу м[εсε]ца ноӕбра двадцатыи дεнь в лεто шостоє тисєчи чотыриста пѧтьдεсӕтъ чεтвεртыи.
- ↑ Российский государственный архив древних актов, ф. 389, оп. 1, спр. 196, арк. 220 зв.–221. ЦДІАК України, КМФ-36, оп. 1, спр. 196, арк. 220 зв.–221; НГАБ. – КМФ-18, оп. 1, спр. 196, арк. 220 зв.–221 (мікрофотокопії справи з РГАДА)