Цю сторінку схвалено
Угро-русскія народныя пѣсни
III.
ПѢСНИ КРАЙНЯНЪ И СПИШАКОВЪ.
Сборникъ г. Левицкаго.
1.
Спѣваночки мои,
Гдежъ я васъ подѣю?
Пойду до лѣсичка,
Тамъ я васъ посѣю.
Тамъ будуть дѣвчатка
На траву ходити,
Мои спѣваночки
Будуть знаходити.[1]
2.
Гей верше мой, верше,
Мой зеленый верше,
Ужъ мѣ такъ не буде,
Якъ мѣ было перше.
Отпало яблушко
От сладкой яблони;
Ужъ мѣ такъ не буде,
Якъ мѣ было влони.
Была я весела,
Але не въ томъ рочку;
Пошла мѣ веселость
За гору высочку.
За гору высочку,
За воду глубочку;
Была я весела,
Але не въ томъ рочку.[2]