Сборникъ лѣтописей/Межигорская лѣтопись
 |
|
 | ||
| Як допомогти й отримати допомогу під час війни |
| ◀ Кіевская лѣтопись | Сборникъ лѣтописей, относящихся къ исторіи Южной и Западной Руси Межигорская лѣтопись (1700) |
Дневникъ похода противъ козаковъ запорожскихъ ▶ |
|
Року 1612 Декаврія 7 дня Путивль взяли.
Року 1619 Ноемврія 14 дня трясеня землѣ было въ день, въ недѣлю, съ полудня.
Року 1624 была битва ляхомъ съ козаками, которая прозывается Круковщина, за Черкасами; въ тотъ часъ Лащъ и Черкасы спалилъ и сплюндровалъ.
Року 1626 месеца Мая отецъ Борецкий, митрополитъ Кіевский выкопалъ колодезъ противъ воротъ монастырскихъ святого Михаила Златоверхого.
Року 1627 Октоврія 7 церковъ Воскресенія Христова въ Переяславлю посвящено за православного митрополита Кіевского, Іова Борецкого.
Року 1628 зъ Шинкгирѣемъ, царемъ татарскимъ, козаки примирили и на Запорожю кочовалъ Шинкгирѣй изъ татары своими, а другихъ татаръ послалъ у Вишневечщину, на лежу, которые мели лежу у Лубняхъ, въ Пирятинѣ, въ Прилуцѣ, въ Лохвицѣ и въ Варвѣ, а по иншихъ мѣстечкахъ и селахъ всѣхъ стацѣю брали, якъ сами хотѣли и отишли знову тамже на Запороже въ року 1629.
Року 1633 Іюля 28 подъ Переяславлемъ у Капитановомъ Гаю дожчъ былъ у ночи кгвалтовный, же и птаковъ галицъ потонуло до килка сотъ.
Тогожъ року и его милость панъ гетманъ Конецполский подъ Переяславлемъ зъ войскомъ былъ.
Року 1634 отецъ митрополитъ Кіевский, Петръ Могила, за помочю Божіею опановавши столицу митрополію Кіевскую, то естъ цервовъ святои Софіи и оправилъ еѣ ведлугъ можности своеи и келіи поставилъ, а найлепшей, же и колодязь для воды выкопалъ; добре всему народу выгодилъ.
Року 1636 была битва Ляхомъ съ козаками подъ Кумейками, у Сахнова Мосту и у Мошнахъ; тамже козаки не вытрвали, уступили и за Черкасы пошли до Боровицы, а панъ гетманъ за ними въ тропы. Миколай Потоцкій, гетманъ полный тамже у Боровицы взялъ Павлюка и Томиленка приводцовъ.
Въ томъ-же року розстрелянъ былъ отъ запорожцовъ гетманъ Сава Москаль и Оношковичъ писаръ.
Року 1637 знову войну поднесли козаки противъ коронѣ полской, на ймя; Яцко Остранинъ, Скиданъ, которыи подъ Говтвою битву учинили и подъ Лубнями, а князь Вышневецкий Еремѣяшъ, зъ войскомъ своимъ пришедши подъ Лубнѣ въ свои маетности, зъ ними битву учинилъ, а они изъ обозу утекли, а ксіонже Еремѣяшъ Вышневецкий погналъ за ними въ тропы и осадилъ ихъ въ мѣсцѣ тѣсномъ подъ Старцемъ, близко Днепра, нижей Жовнина; а Яцко Острянинъ, поднявши козаковъ килка сотъ, передался цару Московскому, а царъ Московский, принявши его, осадилъ тымижъ козаками слободу на рѣцѣ Донцу, котрую прозвано Чугуевъ; а которыи ся остали на Старцу, гетманъ Миколай Потоцкий, гетманъ полный всѣхъ подъ свой реиментъ взялъ и полковники ляхи надъ каждымъ полкомъ поставилъ.
Року 1640 татаре были подъ Переяславлемъ, пришли отъ Корсуня и стацію у Воронковѣ, то естъ хлѣба и всякои харчи брали.
Року 1645 месеца Іюля 28 дня саранча великая ишла мимо Переяславль и очеретъ поѣла, и березя, и овесъ на нивахъ, и иншихъ шкодъ много въ полю починила.
Року 1647 месеца Іануарія 1 дня въ нощи преставися преосвященний архіепископъ, митрополитъ Кіевский, Галицкий и всея Россіи, ексарха святого апостолского θрону Константинопольского Петръ Могила; и проважено тѣло его съ Печерского монастыра до святой Софіи, до церкви катедралной митрополитанской Кіевской для небезпеченства отъ новыхъ іеретиковъ, то естъ отъ лжехристіянъ, мерзеныхъ унѣятовъ, жебы столечнои церкви святой Софіи не отрымали, за росказанемъ и порадою ясневельможного пана Киселя, каштеляна и воеводы Кіевского; и стояло тѣло его преосвященное у святой Софіи часъ немалый, зачимъ епископове, архимандритове и игуменове, такъ тежъ и священници благочестивии на той презацный погребъ зобралися; и былъ тотъ погребъ ажъ на 40 мученикъ, марта 9 дня у великий постъ, на другий недели святого поста во второкъ; и проважоно тѣло его изъ святой Софіи до монастыра Печерского на службу Божую зъ великимъ соборомъ народу христіянского, и, отправивши звычайную церемонію и велце знатную надъ тѣломъ, положили въ церкви великой Успенія пресвятои Богородицы Печерской, на лѣвой сторонѣ, за лѣвымъ крилосомъ, въ склепѣ, въ землѣ.
Року 1648 повсталъ Богданъ Хмельницкий, гетманъ запорожский и всеѣ Украины козацкий войною на ляхи; совокупившись съ татарами и выгналъ ляховъ зо всеи Украины; тогожъ року мая 8 побилъ ляховъ барзо много на Жовтой водѣ: комисара взято въ Орду; тогожъ месеца 17 дня Потоцкого, гетмана полного съ Калиновскимъ подъ Корсунемъ и весь обозъ лядский Хмельницкий зъ ордою збивъ и всѣхъ ляховъ въ Орду въ неволю погнавъ, и иншихъ пановъ и воеводъ тамже звоевавъ.
Тогожъ року зобралися ляхи подъ Пилявою и тамъ ихъ Хмельницкий поразилъ.
Року 1649 князь Вишневецкий ишолъ противъ войска козацкого и козаки, поспѣшившися, князя у Збаражи облегли, и тамъ ихъ голодомъ морилы, такъ, же и шапки своѣ едали; знову послышавши козаки, ижъ кроль Янъ Казимеръ идетъ зъ великою потугою, пошли противъ его, и тамъ великую битву учинили и кроля Казимера мало не взяли, ажъ на миръ сталъ кроль волати; и то было въ мѣстѣ Зборовѣ и учинили миръ зъ королемъ.
Року 1651 князь Радивилъ до Киева прийшовъ и мѣсто Кіевъ спалилъ, потымъ отъ страху козацкого и самъ мусѣвъ уступити и до Бѣлой церкви ледво умкнулъ при митрополитѣ Косовѣ.
Року 1652 моръ былъ великій по всей Малой Росии, Украинѣ, и Полщи, и Литвѣ.
Року 1654 месеца Іануарія 6 дня гетманъ Богданъ Хмелницкий зъ войскомъ запорозкимъ и вся Украина поддалася цару московскому, Алексѣю Михайловичу.
Тогожъ року Москва въ Кіевъ увошла въ великий постъ.
Тогожъ року месеца Августа 2 дня въ середу о полуднѣ слонце затмилося страшно; было всѣмъ въ барзо великомъ подивеню.
Року 1657 Богданъ Хмелницкій гетманъ умеръ въ Чигринѣ.
Року 1658 Выговского Данилка подъ Кіевомъ на горѣ Шкавицѣ Москва розбила и Кіевъ воевода Шереметъ спаливъ.
Року 1660 ляхи зъ ордою и Юрась Хмелницкий зъ козаками подъ Чудновомъ Шеремета и весь таборъ московский розбили и въ Орду погнали.
Року 1663 месеца Ноемврія 14 преставился Варнава Лебедевичъ, ігуменъ Межигорский, человѣкъ чесный и побожный, общого житія не оспаный ревнитель; былъ погребенъ Іннокентіемъ Кгизелемъ, архимандритомъ почерскимъ и всѣмъ духовенствомъ Кіевскимъ въ монастыру Межигорскомъ, въ церкви великой, Ноеврія 30.
Року 1664 кроль Янъ Казимеръ зъ ляхами и зъ ордою на Заднѣпре ходилъ, але ничого не справилъ.
Року 1665 монастыръ Межигорский згорѣвъ Іюня 25.
Року 1668 гетманъ Бруховецкий цару московскому змѣнилъ и Москву по городамъ казалъ бити.
Року 1671 гетманъ Петро Дорошенко зо всею Украиною поддался цару турецкому.
Року 1672 месеца Августа 18 дня царъ турецкий Каменецъ-подольскъ взялъ.
Року 1677 турчинъ Чигиринъ взялъ и Украину спустошилъ.
Року 1681 преставился благочестивый царъ Московский Федоръ Алексѣевичъ, зѣло милостивый благодѣтель духовному чину и всѣмъ церквамъ и монастыремъ, ядомъ смертнымъ напоенъ.
Року 1687 за указомъ царскимъ Иванъ Самойловичъ, поповичъ, ходилъ съ бояриномъ Галициномъ воевати Крыму татарского, але, ничого не справивши, вернулися, и за тое оба въ силку посланы.
Року 1690 саранча великая ишла черезъ цѣлый месецъ Августъ, болшъ нижъ на сто милъ вширъ, а взялася, якъ повѣдаютъ, отъ востока, зъ моря Хвалинскаго, а иные повѣдаютъ, же зъ лѣсовъ Сибѣрскихъ и отъ Синеи орды; и ишла ажъ до Полщи и до землѣ Венкгерскои, где уже подъ часъ осени отъ зимнихъ дожчовъ и вѣтровъ ледве погинула и барзо много шкодила въ полю, въ недозрѣлой пашнѣ.
Року 1690 преставися на Москвѣ свѣтлѣйший патріарха московский киръ Іоакимъ; 16 лѣтъ на престолѣ сѣдѣлъ.
Року 1696 Іоанъ Мазепа, гетманъ войскъ Ихъ Царского Пресвѣтлого Величества Запорозскихъ обоихъ сторонъ Днѣпра, зъ козаками и князь и бояринъ великий Борисъ Петровичъ Шереметевъ зъ Москвою Кезикерменъ и прочи чотыри городки турецкии взяли и розорили; турковъ и татаръ, тамъ будучихъ, въ неволю побрали, а войско свое козацкое и московское тамъ, въ тыхъ городахъ посадили.
Року 1696 благочестивый царъ и великій князь Петръ Алексѣевичъ зъ войскомъ своимъ московскимъ и съ козаками Озовъ, городъ славный турецкій, взялъ; тамъ былъ гетманъ наказный козацкий Лизогубъ, который того доказалъ.
Року 1700 Октоврія 16 преставился на Москвѣ святѣйшій киръ Адріянъ, архіепископъ московскій и всѣхъ сѣверныхъ странъ патріархъ; 10 лѣтъ и 7 месецъ на престолѣ сѣдѣлъ.
|
Ця робота перебуває в суспільному надбанні в усьому світі. Цей твір перебуває в суспільному надбанні в усьому світі, тому що він опублікований до 1 січня 1929 року і автор помер щонайменше 100 років тому. |